Nai-turnover na ng Bureau of Customs (BOC) sa Land Transportation Office (LTO) ang mga plaka ng sasakyan na nakatengga lamang sa Pier dahil sa hidni nabayarang buwis.
Nasa 300,000 pares o 600,000 plaka na matagal nasa Customs ang ibinigay na lamang sa LTO para magamit.
Sa pamamagitan ng isang simpleng seremonya sa Pier ipinagkaloob ni Customs Commissioner Bert Lina kay LTO Chief Atty. Roberto Cabrera ang mga plaka.
Ang libu-libong mga plaka ay lulan ng 11 container van.
Nilinaw ng LTO at Customs na hindi ibig sabihin nito na wala nang kinakailangang bayarang buwis sa gobyerno ang LTO.
Plano nang LTO na masimulan na ang distribution o pagre-release ng mga plaka sa mga may-ari nito sa susunod na labinglima hanggang tatlumpung araw.