Imported pork ipinasusubasta ni Sen. Imee Marcos para mawala ang mga pagdududa

By Jan Escosio May 04, 2021 - 08:40 AM

Naniniwala si Senator Imee Marcos maaring mawala o mabawasan ang pagdududa sa pag-aangkat ng bansa ng karne ng baboy kung isusubasta na lang ang mga ito sa mga negosyante.

Sinabi ni Marcos na may mga pagdududa at pangamba na ang pagtaas ng minimum access volume (MAV) sa imported pork products ay papabor lang sa iilang negosyante na mabibigyan ng import permits.

“Auctioning pork imports will add a measure of transparency and accountability that can discourage rent-seekers. Government will even derive additional revenue from issuing these import permits,” aniya.

Sinabi nito na bagamat nagkasundo na ang lehislatura at ehekutibo na magkaroon ng kompromiso sa MAV, duda siya na mapa-plantsa agad ang mga gusot sa negosyasyon.

Naniniwala ang senadora, kung magiging magkakaroon ng labis-labis na imported na karne ng baboy sa bansa, papatayin nito ang lokal na industriya bago pa man matapos na ang pandemya dulot ng African swine fever (ASF).

TAGS: auction, Imee Marcos, imported pork products, auction, Imee Marcos, imported pork products

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.