BREAKING: Active COVID-19 cases sa Pilipinas, nasa 69,354
Lagpas sa 8,000 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Huwebes (April 29), pumalo na sa 1,028,738 ang confirmed cases ng nakakahawang sakit sa bansa.
Sa nasabi kasing bilang, 69,354 o 6.7 porsyento ang aktibong kaso.
Sinabi ng kagawaran na 8,276 ang bagong napaulat na kaso ng COVID-19 sa bansa.
94.9 porsyento sa active COVID-19 cases ang mild; 1.6 porsyento ang asymptomatic; 0.92 porsyento ang moderate; 1.4 porsyento ang severe habang 1.1 porsyento ang nasa kritikal na kondisyon.
Nasa 114 naman ang napaulat na nasawi.
Dahil dito, umakyat na sa 17,145 o 1.67 porsyento ang COVID-19 related deaths sa bansa.
Ayon pa sa DOH, 6,636 naman ang gumaling pa sa COVID-19.
Dahil dito, umakyat na sa 942,239 o 91.6 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.