1.8-M Filipino, naturukan na ng bakuna vs COVID-19
Patuloy pa rin ang COVID-19 vaccination drive sa Pilipinas.
Sa inilabas na datos ng National Task Force Against COVID-19 at Department of Health (DOH) hanggang April 27, mayroon nang kabuuang 3,525,600 doses ng bakuna laban sa nakakahawang sakit sa bansa.
Sa nasabing bilang, 3,025,600 doses o 86 porsyento nito ang naibigay na sa 3,415 vaccination sites sa bansa.
Nasa 1,809,801 doses naman ang naiturok na kung saan 1,562,815 indibiduwal o 88 porsyento rito ang nabigyan ng first dose ng COVID-19 vaccine.
Nasa 246,986 katao o 14 porsyento naman ang nakakumpleto na ng kanilang second dose.
Nakasaad din sa datos na nasa 35,320 ang 7-day average ng daily vaccinated individuals.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.