Halos 600 railway personnel, naka-recover na sa COVID-19
Umabot na sa 594 rail service personnel ang naka-recover sa COVID-19.
Sa datos hanggang 5:00, Linggo ng hapon (April 25), 6,154 railway personnel na ang sumailalim sa COVID-19 testing.
Sa 1,178 LRT-1 personnel na nasuri, 25 ang aktibong COVID-19 cases habang 162 ang gumaling.
Sa LRT-2 naman, 1,937 ang nakapagpasuri na kung saan 169 ang tinamaan at 167 ang naka-recover sa nakakahawang sakit.
Sa 1,750 tauhan ng MRT-3, 144 ang active COVID-19 cases habang 193 ang gumaling na.
Samantala, 181 naman ang tinamaan at 72 ang naka-recover sa nasuring 1,289 PNR personnel.
Matatandaang ipinag-utos ni Transportation Secretary Arthur Tugade ang mass testing sa lahat ng railway personnel upang matiyak ang kaligtasan ng mga commuter at maiwasan ang pagkalat ng COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.