Naganap ang aksidente sa intersection ng Congressional Ave., bago mag alas 5:00 ng umaga.
Ayon sa Metropolitan Manila Development Authority (MMDA) sangkot sa aksidente ang isang trak, van at jeep.
Pawang minor injury lamang naman ang tinamo ng mga nasugatang indbidwal na karamihan ay pawang pasahero ng jeep at nilapatan na lang ng lunas sa lugar.
Samantala, nakapagtala din ng hiwalay na aksidente sa bahagi C-5 Libis patungo sa bahagi ng Marcos Highway.
Isang 10-wheeler truck ang sumampa sa center island pagkaliko nito sa bahagi ng Libis patungo sa Maros Highway galing sa C-5 northbound.
Dinala na sa ospital ang driver at pahinante ng trak habang nagdulot ng matinding pagsisikip sa daloy ng trapiko sa northbound lane ng C-5 ang nasabing akisdente at umabot sa Greenmeadows ang tail end ng traffic.