Tumatakbong train sets sa MRT-3, umakyat na sa 20
Umakyat na sa 20 train sets ang tumatakbo sa linya ng Metro Rail Transit Line 3 o MRT-3 sa araw ng Lunes, April 26.
Ito ay matapos magpatupad ng limitadong kapasidad sa pagbabalik operasyon noong April 5.
Ayon sa pamunuan ng MRT-3, kabilang sa mga tumatakbong tren ang 19 na CKD train sets at isang Dalian train set.
Sinabi nito na nadagdagan ang naide-deploy na tren dahil nadagdagan din nagnegatibo at gumaling na train drivers sa COVID-19.
Tiniyak din na mahigpit na nasusunod ang health protocols sa nasabing linya ng tren.
Sa ngayon, nasa 30 porsyento pa rin ang passenger capacity ng mga tren ng MRT-3. Katumbas ito ng 124 na pasahero kada train car o 372 na pasahero kada train set.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.