LPG Tanker, tumagilid sa Edsa Tramo Flyover
(update) Nabarahan at hindi pinadaanan sa mga motorista ang Edsa – Tramo Flyover sa Pasay City.
Ito ay matapos tumagilid sa flyover ang isang 18 tons LPG tanker at humambalang sa kalsada.
Bagaman pasado ala 1:00 pa madaling araw pa nangyari ang aksidente.
Ang nasabing flyover ay daanan patungo sa Ninoy Aquino International Airport (NAIA) ng mga sasakyang galing EDSA.
Ang tanker ay pag-aari ng Island Gas Corporation na galing sa lalawigan ng Bataan at patungo sana sa planta sa Pasay City.
Ayon sa driver ng tanker na si Efren Canillo, biglang may pumrenong sasakyan sa kaniyang harpaan dahilan para mawalan siya ng kontrol at tumagilid ang tanker.
Inalis muna ng mga otoridad ang tractor head ng tumagilid na tanker gamit ang crane, at saka maingat na iaangat ang tanke o ang pinaka-kapsula nito dahil punong-puno ito ng LPG.
Nagtalaga rin ng mga trak ng bumbero sa lugar para agad magsagawa ng clearing operations nang maialis sa flyover ang tanker.
Pasado alas 9:00 ng umaga nang maialis sa flyover ang tanker.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.