83-anyos na si Anthony Hopkins, pinakamatandang ‘Oscar’ winner
Tinanghal na Oscar best actor ang beteranong aktor na si Anthony Hopkins dahil sa kanyang pagganap bilang dementia patient sa pelikulang ‘The Father.’
Naungusan na 83-anyos na si Hopkins ang namayapang aktor na si Chadwick Boseman, na bumida naman sa pelikulang “Ma Rainey’s Black Bottom.”
Naging nominado din sa Best Actor award sina Riz Ahmed (“Sound of Metal”), Gary Oldman (“Mank”) at Steven Yeun (“Minari”).
Samantala, nasungkit naman ni Frances McDormand ang kanyang ikatlong Oscar award nang kilalanin siyang ‘best actress’ sa pelikulang ‘Nomadland.’
Ang mga kapwa niya nominado ay sina Viola Davis (“Ma Rainey’s Black Bottom”), Vanessa Kirby (“Pieces of a Woman”), Andra Day (“The United States vs Billie Holiday”) at Carey Mulligan (“Promising Young Woman”).
Kinilala naman na ‘Best Picture’ ang ‘Nomadland,’ na idinirihe ni Chloe Zhao.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.