Pagbili ng COVID-19 booster, pinag-aaralan na ng pamahalaan

By Erwin Aguilon April 21, 2021 - 03:55 PM

PCOO photo

Pinag-aaralan ng gobyerno na bumili ng COVID-19 vaccine booster shots na ginagawa ng Moderna.

Sa joint hearing ng House Committees on Health at Trade and Industry, sinabi ni Vaccine Czar Carlito Galvez Jr. na ang dini-develop na booster ng Moderna ay pwedeng gamitin kahit saang bakuna.

Ipinaliwanag nito na balak nilang ‘yung 5 million doses na parte dapat ng bibilhing bakuna sa Moderna ay gagawin na lang booster.

Ayon kay Galvez, maaaring dumating ang booster shots sa Setyembre o Oktubre sa 2021.

Nasa 20 million doses ng COVID-19 vaccine ang supply agreement ng Pilipinas sa Moderna kung saan 17 million dito ay sa national government habang 3 million ang sa private sector.

Bukod pa dito ang karagdagang 5 million doses na nasa ilalim pa ng negosasyon, at siyang tinutukoy ng opisyal na gagawin na lang booster shots.

TAGS: Carlito Galvez Jr., COVID-19 booster, Inquirer News, moderna, Radyo Inquirer news, vaccine czar, Carlito Galvez Jr., COVID-19 booster, Inquirer News, moderna, Radyo Inquirer news, vaccine czar

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.