Hinimok ni Iloilo Rep. Janette Garin ang pamahalaan na i-convert bilang full COVID-19 hospitals ang piling pampublikong pagamutan.
Ayon kay Garin, ito ay upang makapag-bukas ng mas maraming kwarto at kama para sa COVID-19 patients.
Paliwanag ng dating health secretary, kung matitiyak ng pamahalaan na mabibigyan ng financial assistance ang government hospitals ay maaari itong gawing pagamutan na para lamang sa mga COVID-19 patients upang ma-maximize ang resources nito.
Ang iba namang government hospitals ay maaari nang tumanggap ng non-COVID19 patients.
Naniniwala naman ang mambabatas na hindi pa bagsak ang healthcare system ng bansa ngunit babala nito na hindi malayong mag-collapse ito kung magpapatuloy ang pagtaas sa kaso ng COVID-19.
MOST READ
LATEST STORIES