Cavite Gov. Remulla, naturukan na ng unang dose ng COVID-19 vaccine

Naturukan na si Cavite Governor Jonvic Remulla ng unang dose ng bakuna laban sa COVID-19.

Sa Facebook, ipinakita ni Remulla ang dinaanan niyang proseso sa pagpapabakuna.

Sinabi ng gobernador na dumaan siya sa screening kung saan tatagal ng lima hanggang 10 minuto ang interview.

Pagkatapos maturukan ng bakuna, nanatili ang gobernador sa recovery center. Aniya, dito oobserbahan nang 10 hanggang 15 minuto kung makararanas ng adverse effect.

Ibinahagi ni Remulla ang kaniyang pagpapaturok upang ipakita aniya sa publiko na ligtas ang bakuna.