Mahigit 350,000 food boxes, naipamahagi na sa Maynila
Umabot na sa higit 350,000 food boxes ang naipamahagi sa 451 barangay sa Lungsod ng Maynila.
Ito ay sa ilalim ng COVID-19 Food Security Program ng lungsod.
Ayon kay Manila Mayor Isko Moreno, nagawa ito sa loob ng anim na araw na pamamahagi ng food boxes sa ikatlong buwan ng programa.
Hangad kasi ni Mayor Isko na walang magutom sa Maynila.
Kaya naman buwan-buwang makatatanggap ng food boxes mula sa LGU Manila ang 700,000 na pamilyang Manilenyo hanggang Hulyo kung saan bawat food box ay naglalaman ng tatlong kilo ng bigas, 16 na de lata, at walong sachet ng kape.
Bukod naman sa pamamahagi ng food subsidy, tuloy-tuloy din ang COVID-19 mass vaccination sa Maynila.
Ngayong araw, target ng Manila Health Department na mag-deploy ng 3,000 doses ng bakuna habang nasa 68,469 na ang kabuuang bilang ng deployed vaccines ng lungsod.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.