BREAKING: COVID-19 cases sa Pilipinas, mahigit 884,000 na; 8,571 ang nadagdag
Lagpas 8,000 ang panibagong napaulat na kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Martes (April 13), pumalo na sa 884,783 ang confirmed cases ng nakakahawang sakit sa bansa.
Sa nasabing bilang, 165,534 o 18.7 porsyento ang aktibong kaso.
Sinabi ng kagawaran na 8,571 ang bagong napaulat na kaso ng COVID-19 sa bansa.
96.9 porsyento sa active COVID-19 cases ang mild; 1.8 porsyento ang asymptomatic; 0.31 porsyento ang moderate; 0.5 porsyento ang severe habang 0.4 porsyento ang nasa kritikal na kondisyon.
Nasa 137 naman ang napaulat na nasawi.
Dahil dito, umakyat na sa 15,286 o 1.73 porsyento ang COVID-19 related deaths sa bansa.
Ayon pa sa DOH, 400 naman ang gumaling pa sa COVID-19.
Dahil dito, umakyat na sa 703,963 o 79.6 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.