Magpapatupad ng pagbawas sa presyo sa ilang produktong petrolyo.
Ito ay dahil sa paggalaw ng presyo sa international market.
Batay sa anunsiyo ng Caltex, Cleanfuel, Petro Gazz, Seaoil at Shell, may tapyas na P0.25 sa kada litro ng gasolina habang walang pagbabago sa presyo ng diesel.
May bawas namang P0.10 sa bawat lito ng kerosene ng Caltex, Seaoil at Shell.
Magiging epektibo ang oil price adjustment ng Petro Gazz, Shell, at Seaoil bandang 6:00, Martes ng umaga (April 13).
Dakong 8:01, Martes ng umaga naman magsisimulang mabago ang presyo ng mga produktong petrolyo ng Cleanfuel.
Mauuna namang ipatupad ang oil price rollback sa Caltex bandang 12:01, Martes ng madaling-araw.
Asahang mag-aanunsiyo na rin ang iba pang oil companies ng kanilang oil price adjustment.