Pangulong Duterte may public address sa Abril 12

Magbibigay ng public address si Pangulong Rodrigo Duterte sa Lunes, Abril 12.

Ito ang inihayag ni Presidential Spokesman Harry Roque matapos ang dalawang linggong walang public appearance ng Pangulo.

Ayon kay Roque, ito na rin ang regular na “Talk to the People” ni Pangulong Duterte.

Matatandaang hindi itinuloy ni Pangulong Duterte ang “Talk to the People” noong Lunes at Miyerkules dahil sa dami ng tauhan ng Presidential Security Group na nag-positibo sa COVID-19.