Ilang Metro Manila mayor, nabakunahan na vs COVID-19

By: Angellic Jordan - 3 years ago

Naturukan na ng bakuna laban sa COVID-19 ang ilang alkalde ng National Capital Region (NCR).

Photo credit: Mayor Isko Moreno/Facebook

Naunang magpabakuna si Manila Mayor Isko Moreno noong araw ng Linggo, April 4.

Nabigyan ng unang dose ng Sinovac si Moreno sa President Sergio Osmeña High School sa Tondo.

Bakunang gawa ng Sinovac din ang itinurok kay Mandaluyong Mayor Menchie Abalos.

Photo credit: Mayor Menchie Abalos/Facebook

Naturukan ng bakuna si Abalos sa araw ng Lunes, April 5.

Kasabay nito, patuloy ang paghikayat ng mga alkalde sa publiko na makiisa sa COVID-19 vaccination program ng gobyerno upang maiwasang tamaan ng nakakahawang sakit.