Outbound passengers sa mga pantalan, nasa halos 15,000
Tuloy ang pag-monitor ng Philippine Coast Guard sa bilang ng mga pasahero sa mga pantalan kasabay ng Oplan Biyaheng Ayos: Semana Santa 2021.
Batay sa monitoring ng Philippine Coast Guard (PCG), nakapagtala ng kabuuang 14,954 na outbound passengers sa mga pantalan habang 12,463 inbound passengers.
Ito ay mula 6:00 ng umaga hanggang 12:00 ng tanghali, araw ng Sabado (April 3).
Nasa 1,994 naman ang itinalagang PCG personnel sa mga pantalan.
Base pa sa datos, 188 ang inspected vessels at 286 ang inspected motorbancas.
Pinaalalahanan pa rin ang mga pasahero na manatiling alerto at sumunod sa mga panuntunan sa mga pantalan at sasakyang-pandagat.
Maliban sa maritime security at maritime safety, umaasiste rin ang PCG sa istriktong implementasyon ng health protocols sa gitna ng COVID-19 pandemic.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.