Mayor Joy Belmonte, muling tinamaan ng COVID-19
Muling nagpositibo sa COVID-19 si Quezon City Mayor Joy Belmonte.
“Walong buwan mula nang ako ay unang mag-positive sa COVID-19, ikinalulungkot kong ibahagi sa inyo na ako ay nag-positive muli sa virus,” pahayag ng alkalde.
Sa inilabas na pahayag, sinabi ni Belmonte na hindi malala ang kaniyang nararamdamang sintomas ng nakakahawang sakit.
Patuloy pa rin aniya niyang ginagampanan ang kaniyang tungkulin bilang mayor ng Quezon City habang naka-quarantine sa Hope Community Care Facility sa lungsod.
“Sa kabila ng matinding pag-iingat at paggaling mula sa virus noong nakaraang taon, ako ay nag-positive pa rin,” saad ni Belmonte at aniya pa, “Ito ay mahalagang tanda na hindi tayo maaaring maging kampante kailanman pagdating sa sakit na ito.”
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.