Bigtime oil price rollback, ipatutupad bukas (March 30)
Abiso sa mga motorista.
Magpapatupad ng malakihang bawas-presyo sa ilang produktong petrolyo.
Ito ay dahil sa paggalaw ng presyo sa international market.
Batay sa anunsiyo ng Caltex, Cleanfuel, Petro Gazz, Phoenix Petroleum, Seaoil, Shell at Total, may tapyas na P1.30 sa kada litro ng diesel habang P1.20 naman ang kaltas sa presyo ng gasolina.
Sa kerosene, P1.40 ang bawas sa bawat litro sa Shell at Seaoil habang P1.35 sa Caltex
Magiging epektibo ang oil price adjustment ng Petro Gazz, Phoenix Petroleum, Shell, Seaoil at Total bandang 6:00, Martes ng umaga (March 30).
Dakong 8:01, Martes ng umaga naman magsisimulang mabago ang presyo ng mga produktong petrolyo ng Cleanfuel.
Mauuna namang ipatupad ang oil price rollback sa Caltex bandang 12:01, Martes ng madaling-araw.
Asahang mag-aanunsiyo na rin ang iba pang oil companies ng kanilang oil price adjustment.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.