Dalawang bagong COVID-19 facilities sa Bacolod City, natapos na
Nakumpleto na ng Department of Public Works and Highways (DPWH) ang dalawang bagomg healthcare facilities sa Bacolod City.
Base sa ulat ni DPWH Regional Office 6 (DPWH-RO6) Director Lea Delfinado, sinabi ni Secretary Mark Villar na kabilang sa bagong pasilidad ang two unit, 32-room container vans na nai-convert bilang isolation o quarantine facilities sa bahagi ng Barangay Alijis.
Ang dati namang evacuation center sa bahagi ng Barangay Vista Alegre ay ginawa nang 45-cubicle isolation o quarantine facility.
Bawat unit sa pasilidad sa Barangay Alijis ay mah air-conditioned isolation rooms at hiwalay na comfort room, nurse station, utility/electrical room, male at female nurse quarters na may hiwalay ding comfort rooms, sanitation area, water tanks, standby generator, at distribution power transformer.
Sa pamamagitan ng dagdag na healthcare facilities, umaasa si Villar na mapapaigting pa ang preparasyon sakaling tumaas ang kaso ng COVID-19 sa Bacolod at iba pang kalapit na bayan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.