COVID-19 recoveries sa hanay ng pulisya, lagpas 12,000 na

Aabot sa 171 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang 6:00, Huwebes ng gabi (March 25), 13,828 na ang confirmed COVID-19 cases sa hanay ng pambansang pulisya.

Sa nasabing bilang, 1,750 ang aktibo pang kaso.

70 namang pulis ang gumaling sa nakakahawang sakit.

Dahil dito, 12,042 na ang total recoveries sa hanay ng PNP sa naturang sakit.

Wala namang napaulat na nasawi sa PNP dahil sa COVID-19.

Bunsod nito. 36 pa rin ang COVID-19 related deaths sa pambansang pulisya.