Tigil-operasyon ng LRT-2, ipatutupad sa Semana Santa

Magpapatupad ng tigil-operasyon ang Light Rail Transit Authority sa LRT-2 sa panahon ng Semana Santa.

Ayon kay LRTA Spokesman Atty. Hernando Cabrera, Martes Santo pa lamang o March 30 ay paiiksiin na ang operasyon ng LRT-2.

Mula sa normal na 5:00 ng unaga hanggang 9:00 ng gabi, magiging hanggang 8:00 na lamang muna ito ng gabi.

Pagdating naman ng Miyerkules Santo o March 31, wala ng operasyon ang LRT-2 hanggang April 4 o Linggo ng pagkabuhay.

Magbabalik na ang operasyon ng LRT-2 sa Abril 5.

Ito, ayon sa opisyal, ay upang bigyang-daan ang maintenance activities sa LRT-2.