P0.35 price rollback sa diesel ipatutupad bukas (March 23)

Abiso sa mga motorista.

Magpapatupad ng bawas-presyo sa ilang produktong petrolyo.

Ito ay dahil sa paggalaw ng presyo sa international market.

Batay sa anunsiyo ng Shell, Petro Gazz, Cleanfuel, at Seaoil, may tapyas na P0.35 sa kada litro ng diesel habang walang pagbabago sa presyo ng gasolina.

P0.45 naman ang bawas sa bawat litro ng kerosene ng Shell at Seaoil.

Magiging epektibo ang oil price adjustment ng Shell, Petro Gazz at Seaoil bandang 6:00, Martes ng umaga (March 23).

Dakong 8:01, Martes ng umaga naman magsisimulang mabago ang presyo ng mga produktong petrolyo ng Cleanfuel.

Asahang mag-aanunsiyo na rin ang iba’t ibang oil companies ng kanilang oil price adjustment.