Tatlong dikit! COVID 19 cases muling nadagdagan ng higit 7,000

Sa ikatlong sunod na araw, higit 7,000 COVID 19 cases ang naitala ng Department of Health sa bansa.

Sa latest case bulletin ng kagawaran, nakapagtala ng 7,757 bagong kaso kayat sa kabuuan umaabot na sa 663,794 ang tinamaan ng sakit sa bansa.

Sa naturang bilang, 73, 072 ang aktibong kaso.

May 15,288 naman ang gumaling sa sakit kayat umakyat sa 577,754 ang COVID 19 survivors, samantalang 12,968 na ang namatay matapos naman madagdagan ng 39.

Simula noong Biyernes, lagpas 7,000 ang nadagdag sa bilang ng COVID 19 cases sa bansa at noong Sabado naitala ang pinakamalaking nadagdag sa isang araw sa bilang na 7,999.