Batay sa thunderstorm advisory dakong 2:01 ng hapon, iiral ang katamtaman hanggang malakas na buhos ng ulan na may kasamang kidlat at malakas na hangin sa Metro Manila, Pampanga, Laguna at Bataan.
Maaapektuhan din nito ang Zambales partikular sa Candelaria, Masinloc, Palauig, Iba, Botolan, San Antonio, Subic at Castellijos.
Uulanin din ang Nueva Ecija sa Carranglan at Lupao; Bulacan sa San Rafael at Balagtas; Rizal sa Rodriguez at Antipolo; Quezon sa Tiaong at Tagkawayan; San Jose, Tarlac.
Sinabi ng weather bureau na mararanasan ang pag-ulan sa susunod na dalawang oras.
Inabisuhan naman ang publiko na mag-ingat at antabayan ang susunod na update ukol sa lagay ng panahon.