Bahagi ng Buendia Skyway on-ramp isasara hanggang sa Huwebes
Isasara ng anim na araw ang bahagi ng Buendia Skyway on-ramp bilang bahagi ng patuloy na konstruksyon ng Skyway Stage 3 (SS3).
Sa abiso ng Skyway, pasanamtalang isasara simula mamayang alas 10:00 ng gabi (April 8) ang Faraday Street sa Skyway southbound on-ramp sa Buendia.
Ito ay upang bigyang daan ang paghuhukay ng poste ng Skyway Stage 3 sa pagitan ng Faraday at Finlandia St.
Magpapatuloy ang nasabing paghuhukay hanggang sa Huwebes (April 14) at pansamantala namang isasara ang service road at muling bubuksan ang Faraday St. sa Buendia on-ramp patungo ng Skyway at SLEX.
Payo ng pamunuan ng Skyway sa mga motorista, iwasan na lamang muna na dumaan sa Faraday St., kung galing ng sa Osmeña Highway.
Ang mga motorista naman na patungo sa SLEX ay maaring dumeretso sa ibaba ng Skyway o umakyat sa Magallanes on-ramp.
Magtatalaga naman ng karagdagang traffic enforcers para magpatupad ng alternate routes.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.