Umapela ang Department of Transportation (DOTr) sa mga operator at driver ng public transport vehicles na seryosohin ang pagsasagawa ng disinfection sa kani-kanilang sasakyan bilang bahagi ng health protocols laban sa COVID-19.
“The proper disinfection of public transport vehicles is a key factor in keeping our commuters safe from COVID-19. We should not be hasty in the cleaning and disinfection of our vehicles,” said Transportation Secretary Arthur Tugade.
Nagtitiwala aniya ang publiko na ligtas at virus-free ang mga sinasakyang jeep, bus at iba pang public transport vehicles.
Bilang frontline service providers, operators at drivers ng public transport vehicles, dapat aniyang may kamalayan sila na mayroon silang malaking responsibilidad upang maiwasan ang pagkalat ng nakakahawang sakit.
“As operators and drivers of public transport vehicles, you do not only bring passengers from their homes to their workplaces and back. You are also given the responsibility to make sure that they are healthy and safe when they arrive at their destinations,” saad ng kalihim.
Samantala, umapela rin si Tugade sa publiko ng kooperasyon sa pamamagitan ng pagsunod sa health protocols na ipinatutupad sa public transport.
Maaari aniyang i-report sa mga awtoridad ang mga lumalabag sa health protocols.
“Let us do our share by reporting immediately to the proper authorities any breach of health protocols that are committed inside public transport vehicles by your fellow passengers. We are all in this fight together,” ani Tugade.