Nangunguna ang botong ‘NO’ sa partial unofficial results ng plebisito upang hatiin ang Palawan sa tatlong lalawigan.
Ayon kay COMELEC Spokesperson James Jimenez, may mga lugar na ‘NO’ ang makikita sa balota.
Sabi ni Jimenez, tapos na ang botohan at ganap na alas dos ng hapon mamaya ay ipagpapatuloy ang canvassing ng mga boto.
Bumoto sa ratipikasyon ng Republic Act 11259 ang mga residente ng 23 munisipalidad ng lalawigan ng Palawan.
Sa ilalim ng RA 11259, hahatiin ang Palawan sa Palawan del Sur, Palawan del Norte at Palawan Oriental
Ang plebisito sa Palawan ang unang eleksyon na idinaos sa bansa ngayong panahon ng pandemya.
Dahil dito, sabi ni Jimenez ang mga ginawang hakbang sa plebesito ay maaring gamitin para sa darating na eleksyon upang maiwasan ang pagkalat ng COVID-19 pandemic.