PNP chief Debold Sinas hindi sumunod sa Covid 19 health screening protocols
Hindi sumunod sa health screening protocols si Philippine National Police chief Debold Sinas nang magtungo sa Oriental Mindoro noong Huwebes.
Pahayag ito ng lokal na pamahalaan ng Oriental Mindoro matapos mag-positibo sa Covid 19 si Sinas.
Ayon sa pahayag ng provincial government ng Oriental Mindoro, hindi dumaan sa pier ng Calapan si Sinas at hindi sumailalim sa profiling.
Dumating si Sinas sakay ng helicopter at dumiretso sa police regional headquarters sa Calapan City.
Nalulungkot ang lokal na pamahalaan ng Oriental Mindoro sa nangyari kay Sinas.
Matatandaang naging kontrobersyal na rin si Sinas matapos lumabag sa health procotols nang magsagawa ng mañanita sa kanyang birthday party noong Mayo 2020.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.