Sinibak sa kanyang pwesto bilang Hepe ng North Cotabato Provincial Police Office si SSupt. Alexander Tagum.
Kinumpirma ni PNP spokesman CSupt. Wilben Mayor na noong April 4 epektibo ang administrative relief kay Tagum kaugnay sa naganap na kaguluhan sa dispersal operations sa mga magsasakang nag-rally sa Kidapawan City noong nakaraang Linggo.
Sinabi ni Mayor na pansamantalang hahalili kay Tagum si SSupt. Jose Briones Jr. na siya namang pinuno ng directoral staff ng PNP Region 12 Office.
Bumuo na rin ang PNP ng isang five-man fact-finding team na mag-iimbestiga sa naganap na kaguluhan at ito’y pamumunuan ni Dir. Isagani Nerez na siyang Director ng Integrated Police Operations for Western Mindanao.
Kaninang umaga ay dumalo pa sa ipinatawag na imbestigasyon ng Senate Committee on Human Rights si Tagum na ginanap sa Davao City.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.