Dalawang barangay sa Maynila, isasailalim sa lockdown
Ipinag-utos ni Manila Mayor Isko Moreno ang dalawang barangay sa lungsod na isailalim sa lockdown.
Ayon sa Manila Public Information Office, ito ay dahil sa pagtaas ng kaso ng COVID-19 sa lugar.
Pinirmahan ng alkalde ang executive order sa Barangays 351 at 725.
Magsisimula ang lockdown bandang 12:01, Huwebes ng hating-gabi (March 11), hanggang 11:50, Linggo ng gabi (March 14).
Maliban dito, isasailalim din sa lockdown ang dalawang hotel sa Barangay 699; Malate Bayview Mansion at Hop Inn Hotel.
Sa Malate Bayview Mansion, na-detect ang 14 kumpirmadong kaso ng COVID-19 habang tatlo naman sa Hop Inn Hotel.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.