AstraZeneca vaccination sa mga senior citizen health workers, umarangkada na sa Maynila

(Courtesy: Manila PIO)

Sinimulan na ng lokal na pamahalaan ng Maynila ang Covid 19 vaccination program sa mga senior citizen na healthcare workers sa Ospital ng Maynila.

Ayon kay Manila Mayor Isko Moreno, gamit ng lokal na pamahalaan ang bakunang gawa ng AstraZeneca.

Unang tinurukan ng bakuna ng AstraZeneca si Dr. Mario Lato na isang senior healthcare worker sa city district hospital.

Nabatid na nakatanggap ang Maynila ng 1,000 doses ng AstraZeneca vaccine at 3,000 doses ng Sinovac vaccine mula sa national government.

Target ng lokal na pamahalaan na mabakunahan ang 266 senior citizen na healthcare workers.