Inatasan ni si Manila Barangay Bureau director Romeo Bagay na agad na magpatupad ng automatic lockdown sa mga barangay na makapagtatala ng tumataas na kaso ng COVID-19.
Pahayag ito ni Mayor Isko matapos iulat ng Department of Health (DOH) na muling tumaas ang kaso ng COVID-19 sa bansa.
Inatasan din ni Mayor Isko si Manila Police District Director Brig. General Leo Francisco na lalong higpitan ang pagpapatupad ng minimum health protocols sa lahat ng kalsada at barangay sa Maynila.
Ayon kay Mayor Isko, mahigpit pero dapat na maging magalang pa rin ang mga pulis.
Inatasan din ni Mayor Isko si Manila Traffic and Parking Bureau director Dennis Viaje na muling pagalain ang COVID-19 Marshals para pagsabihan ang mga pasaway sa kalsada.
Ipinahahanda na rin ni Mayor Isko ang delivery ng monthly food boxes para sa buwan ng Marso para sa lahat ng 700,000 pamilya sa Lungsod.