Operasyon ng LRT-2 East Extension program, target simulan sa April 2021
Target na simulan ang operasyon ng dalawang bagong istasyon ng LRT-2 East Extension Project sa April 27, 2021, ayon sa Department of Transportation (DOTr).
Magkakaroon ng soft opening ang Marikina Station (sa harap ng Sta. Lucia mall at Robinsons) at Antipolo Station (sa harap ng SM Masinag) sa April 26, 2021, at agad sisimulan ang operasyon sa susunod na araw.
Hanggang January 31, 2021, iniulat ng LRTA na ang LRT-2 East Extension Project ay 93.42 porsyento nang kumpleto.
Maseserbisyuhan ng dalawang bagong istasyon ang mga commuter mula sa Recto, Manila patungong Masinag, Antipolo, at pabalik.
Tinatayang aabot ng 40 minuto ang travel time mula Recto hanggang Masinag.
Oras na makumpleto, kayang ma-accommodate ng LRT-2 East Extension ang dagdag na 80,000 pasahero kada araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.