Isang sundalo na ang nasawi habang isa pa ang nasugatan dahil sa bakbakan sa pagitan ng mga pwersa ng pamahalaan at mga komunistang rebelde sa bayan ng Paluan, Occidental Mindoro.
Ayon kay Southern Luzon Command (SOLCOM) spokesperson Lt. Col. Angelo Guzman, isang unit mula sa Philippine Army 67th Infantry Battalion ang naka-engkwentro ng hindi natukoy na bilang ng mga rebeldeng New People’s Army, dakong alas-7:15 ng umaga ng Miyerkules.
Hindi muna ibinunyag ni Guzman ang pangalan ng nasawi at nasugatang mga sundalo dahil ipapaalam muna nila ito sa mga pamilya ng mga ito.
Nagtayo na ng mga checkpoints ang mga pulis sa mga lugar na posibleng tahakin ng mga rebelde sa kanilang pag-takas.
MOST READ
LATEST STORIES