Naging matagumpay ang isinagawang open-heart surgery sa beteranong TV reporter na si Doris Bigornia.
Inanunsiyo ito ng kaniyang anak na si Nikki Bigornia-Islanan sa pamamagitan ng kaniyang Twitter account.
Nagpasalamat si Nikki sa lahat ng nag-alay ng panalangin para sa paggaling ng TV reporter.
“Subalit, patuloy po kaming humihingi ng inyong mga dasal para sa tuluy-tuloy na recovery ni mommy,” saad nito.
Naiparating aniya niya sa tinaguriang ‘Mutya ng Masa’ ang mga natatanggap na mensahe at pagmamahal.
“Siya po ay taos-pusong nagpapasalamat sa inyong lahat,” pahayag ni Nikki.
Noong February 22, 2020 inanunsiyo ni Alvin Elchico sa kanilang programa ni Doris na inatake sa puso ang TV reporter.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.