Na-kidnap na Taiwanese, nasagip sa Parañaque City

Nailigtas ng mga tauhan ng Philippine National Police Anti-Kidnapping Group (PNP AKG) ang isang na-kidnap na Taiwanese, araw ng Martes.

Ayon kay PNP Chief General Debold Sinas, nag-ugat ang rescue operations batay sa ulat ng kidnapping sa isang Wu Keng Hao, Taiwanese National na may passport number na G121899031.

Agad nagkasa ng operasyon ang mga operatiba ng AKG, katuwang ang security personnel, sa Pearl Marina, Bldg. 28 Floor Unit 24 dakong 9:30 ng umaga.

“During the rescue, the kidnapped victim was alone inside the room and there were no suspects guarding him,” pahayag ni Sinas.

Dagdag nito, “Rest assured the PNP will investigate the matter and continue manhunt operations against the kidnappers.”