Dahil sa naging pagbabago sa school calendar noong nakaraang taon, nagdesisyon ang DepEd na iurong sa Abril ang dapat na early registration para sa school year 2021 – 2022 na nakatakda ngayon buwan.
Sinabi ni Education Undersecretary for Planning, Human Resource and Organizational Development, and Field Operations Jesus Mateo ang orihinal na petsa ng early registration ay noon pang Enero ngunit dahil sa naantalang pagsisimula muli ng mga klase noong nakaraang taon ay ginawa na lang itong Marso.
Sinabi naman ni Undersecretary for Curriculum and Instruction Diosdado San Antonio ang kanilang bagong target ngayon ay sa Abril.
Hinihikayat muli ni Mateo ang mga magulang na maagang i-enroll ang kanilang mga anak.
Ikinakasa ang Early Registration para matiyak na ang mga papasok na Kindergarten, Grades 1, 7, at 11 learners sa mga public at private elementary at high schools nationwide sa buong bansa ay naitatala na agad ilang buwan bago pa ang opisyal na pagsisimula muli ng mga klase.