P1.7-M halaga ng shabu, nasabat sa Zamboanga City
Arestado ang isang drug suspect sa ikinasang police sting operation sa Zamboanga City, Linggo ng hapon.
Kinilala ni Philippine National Police (PNP) Chief General Debold Sinas ang drug suspect na si Almutlah Maharan alyas “Mutla,” 39-anyos.
Nahuli si Maharan ng mga tauhan ng Special Drugs Enforcement Team ng Zamboanga City Police Station-11.
Nakumpiska sa drug suspect ang limang malalaking sachet ng hinihinalang shabu na may estimated value ng P1.7 milyon.
Si Marahan ay nasa kustodiya ng Zamboanga CPS habang hinihintay ang isasampang kaso.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.