Manny Pacquiao pagbabawalang mag-training tatlong araw bago ang laban
Pagbabawalan na ni Coach Freddie Roach na sumailalim sa matinding training si Pambansang Kamao Manny Pacquiao tatlong araw bago ang laban kay American Boxer Timothy Bradley sa MGM Grand Arena sa Las Vegas sa April 9.
Sa ulat ni Francis Ochoa ng Philippine Daily Inquirer na ngayon ay nasa Amerika, ayaw kasi ni Roach na magkaroon pa ng injury si Pacquiao.
Ibubuhos na lang aniya ni Pacquiao ang lahat ng lakas nito sa mismong laban para masiguro ang panalo kontra kay Bradley.
Mahigpit na binabantayan ngayon ng kampo ni Pacquiao ang isang boxing analyst na kinuha ng kampo ni Bradley.
Kanina ay nagkaroon ng official welcome kina Pacquiao at Bradley sa MGM Grand.
Sa Biyernes ay sasailalim na sa weigh in ang dalawang boksingero.
Ito na ang ikatlong pagkakataon na magbabakbakan sina Pacquiao at Bradley.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.