2,651 na bagong kaso ng Covid 19 naitala ng DOH

Nakapagtala ang Department of Health ng 2,651 na panibagong kaso ng Covid 19 sa bansa.

Dahil dito, nasa 571,327 na ang kabuuang bilang ng mga nag-positibo sa naturang sakit.

Ayon sa DOH, 46 ang nadagdag sa bilang ng mga nasawi. Sa kabuuan, nasa 12, 247 na ang death toll.

Aabot naman sa 561 ang nakarekober dahilan para pumalo sa 524,582 ang kabuuang bilang.

Nasa 34,498 ang active cases kung saan 88.4% ang mild, 6.4% ang asymptomatic, 2.1% ang severe, at 2.3% ang nasa critical condition.