Higit P8-M halaga ng marijuana plants sinira sa Asturias, Cebu
Nagsagawa ng marijuana eradication sa dalawang marijuana plantation site sa Asturias, Cebu araw ng Miyerkules, February 24.
Sanib-pwersa sa operasyon ang CPPO-PIU/CPPO-PDEU, PDEA RO 7 Cebu Province, 1st PMFC, at Asturias Municipal Police Station sa bahagi ng Barangay Kaluangan.
Bandang 7:20 ng umaga, nasira ng mga awtoridad ang 11,250 marijuana plants sa unang site na may lawak na 800 square meters.
Mayroon itong estimated value na P4,500,000.
Makalipas ang ilang oras dakong 10:30 ng umaga, nakuha naman ang 10,500 marijuana plants sa unang site na may lawak na 650 square meters.
Tinatayang nagkakahalaga ito ng P4,200,000.
Nakatakas naman ang cultivators na sina Jay-r Camaogay (first site) at Johnny Escarpe alyas “Yungko” (second site), matapos matunugan ang pagdating ng mga awtoridad.
Kasong paglabag sa Section 16, Article 2 ng Republic Act 9165 ang isasampa laban sa mga suspek.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.