Pangulong Duterte bibisita sa mga nabiktima ng bagyo sa Surigao

 

Bibisita si Pangulong Rodrigo Duterte ngayong araw Pebrero 23 sa mga nabiktima ng Bagyong Auring sa Surigao.

Ito ang inihayag ni Presidential Spokesman Harry Roque.

Ayon kay Roque, kasama siya ng Pangulo na mag-iikot sa Surigao.

Personal na magbibigay ng ayuda si Pangulong Duterte sa mga nabiktima ng bagyo.

Isa ang Surigao sa mga binaha matapos umapaw ang Bonifacio River at Tandag River.