Bilang ng Filipino abroad na nasawi dahil sa COVID-19, lagpas 1,000 na
May 28 bagong napaulat na nagpositibong Filipino sa COVID-19 sa ibang bansa.
Sa datos ng Department of Foreign Affairs (DFA) hanggang February 19, nasa 14,787 na ang mga kumpirmadong positibo sa COVID-19 na Filipino mula sa 87 na bansa at rehiyon.
Sa nasabing bilang, 4,484 ang patuloy na nagpapagamot sa iba’t ibang ospital.
22 naman ang bagong gumaling kung kaya 9,294 na ang overseas Filipinos na naka-recover sa nakakahawang sakit o na-discharge na sa ospital.
Nasa 11 naman ang bagong napaulat na nasawi.
Dahil dito, 1,009 na ang COVID-19 related deaths sa mga Filipino abroad.
Pinakamarami pa ring naitalang confirmed COVID-19 positive na OF sa bahagi ng Middle East/Africa na may 8,131 na kaso.
Sumunod dito ang Europa na may 2,926 confirmed COVID-19 positive cases na OF.
Nasa 860 naman ang kaso sa Americas at 2,870 sa Asia Pacific Region.
Tiniyak ng DFA na sa pamamagitan ng Foreign Service Posts, tututukan ang lagay ng mga Pinoy sa ibang bansa at handang umasiste sa mga Filipino na apektado ng COVID-19 pandemic.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.