COVID-19 recoveries sa Quezon City, lagpas 30,000 na
Nadagdagan pa ang bilang ng mga naitalang kaso ng COVID-19 sa Quezon City.
Sa datos ng Quezon City Health Department, umabot na sa 31,745 ang bilang ng mga kumpirmadong kaso ng nakakahawang sakit sa lungsod hanggang 8:00, Biyernes ng umaga (February 19).
Ang nasabing bilang ng kaso ay na-validate na ng QCESU at district health offices.
Samantala, nasa 895 o katumbas ng tatlong porsyento ang itinuturing na aktibong kaso ng pandemiya.
Mayroon ding bagong gumaling sa lungsod.
Bunsod nito, 30,017 o 94 porsyento na ang total recoveries sa COVID-19 sa lungsod habang 833 na o tatlong porsyento ang nasawi.
Batay pa sa datos, nasa 171,476 ang suspected COVID-19 cases na kabilang na isinagawang contact tracing.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.