PNoy walang balak sibakin sina Sec. Abaya at GM Honrado
Hindi didinggin ni Pangulong Benigno Aquino III ang panawagan ng publiko na sibakin sa pwesto ang mga opisyal ng Manila International Airport Authority (MIAA) at Department of Transportation Communications (DOTC).
Ito ay kaugnay sa aberyang idinulot ng blackout sa Ninoy Aquino International Airport (NAIA) Terminal 3, na ikinastranded ng libu-libong pasahero noong Sabado.
Bagkus, ayon kay Presidential Communications Sec. Herminio Coloma Jr., inutusan lang ni Pangulong Aquino sina DOTC Sec. Jun Abaya at Manila International Airport Authority general manager Jose Angel Honrado na gumawa ng “contingency measures” upang hindi na ito maulit.
Nais din ng Pangulo na ipatiyak kina Abaya at Honrado na may sapat na supply ng kuryente ang mga paliparan na siyang magtitiyak rin sa kaligtasan ng mga pasahero.
Matatandaang noong Sabado ay mahigit 5 oras nawalan ng kuryente ang NAIA Terminal 3 kung saan maraming flights ang kung hindi man naantala at nakansela.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.