Ipinagtataka ni Senate President Pro Tempore Ralph Recto ang desisyon ng Inter Agency Task Force (IATF) na payagan nang magbukas ang mga sinehan ngunit hindi ang mga eskuwelahan.
Ayon kay Recto dapat pakinggan ng gobyerno ang mga sinasabi ng health experts ukol sa pagbubukas ng mga establismento.
“Education is an essential service compared to amusement that is not essential,” diin ng senador.
Hindi din isyu kay Recto kung ipinagpaliban sa Marso 1 ang pagbubukas ng mga sinehan dahil aniya ang dapat na pakinggan ang mga eksperto.
“Our health experts should determine protocols to open our schools as soon as possible,” sabi pa nito.
MOST READ
LATEST STORIES