Schedule sa voter’s registration itinakda ng Comelec
Nagtakda ng bagong schedule ang Commission on Elections para sa pagpapa-rehistro sa mga botante sa May 9, 2022 elections.
Sa pahayag ng Comelec, maaring magpa-rehistro ang mga overseas voters simula sa Abril 10, 2021 hanggang Setyembre 30, 2021.
Bukas ang pagpapa-rehistro mula Lunes hanggang Biyernes, alas 8:00 ng umaga hanggang alas 5:00 ng hapon.
Maari lamang magtungo sa Comelec office sa Ground Floor, Palacio del Gobernador Building, General Luna St., Intramuros, Manila; Department of Foreign Affairs (DFA) – Aseana, Bradco Avenue cor. Macapagal Boulevard, Aseana Business Park, Parañaque; Philippine Overseas Employment Administration (POEA), Blas F. Ople Building, Ortigas Avenue cor. EDSA, Mandaluyong; Maritime Industry Authority (Marina), SM Manila Satellite Office, Almeda-Lopez cor. A. Villegas at 1000 San Marcelino St., Ermita, Manila.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.