Ayon sa FDA, sa pamamagitan ng post-marketing surveillance, natuklasang walang Certificate of Product Notification ang nasabing produkto hanggang January 20, 2021.
Kabilang dito ang mga sumusunod na produkto:
– Colourette Colourglaze Serotonin
– Colourette Colourglaze Blanket
– Colourette Colourglaze Daydream
– Colourette Colourglaze Sundown
Alinsunod sa Republic Act No. 9711 o Food and Drugs Administration Act of 2009, bawal ang pag-manufacture, importation, exportation, pagbebenta, distribution, transfer, non-consumer use, promotion, advertising o sponsorship nang walang proper authorization mula sa ahensya.
Sinabi ng ahensya na hindi dumaan sa notification process ang produkto kung kaya hindi tiyak kung ligtas itong gamitin.
“All concerned establishments are warned not to distribute violative cosmetic products until they have fully complied with the rules and regulations of the FDA,” pahayag pa nito.
Maaaring i-report ang pagbebenta ng mga hindi rehistradong produkto sa pamamagitan ng eReport sa www.fda.gov.ph/ereport.
Paliwanag naman ng Founder/CEO ng Colourette na si Nina Ellaine Dizon-Cabrera, hinihintay na lamang nila ang verification bago mag-restock ng Colourglaze.
“The formula/ingredients do not have any problems, we just updated the nomenclature terms of the two of the ingredients as required by the evaluator,” pahayag nito.